தமிழ் சினிமாவின் முன்னணி நடிகராக வலம் வருபவர் சத்யராஜ். இவரின் மகள் திவ்யா அரசியலில் களமிறங்க இருப்பதாக தகவல் வெளியாகியுள்ளது.
மேலும், சத்யராஜ் நடிகராக மட்டுமில்லாமல் சமூக செயற்பாட்டாளராகவும் குறிப்பாக திராவிட இயக்க சிந்தனைகளை பிரசாரம் செய்யும் பெரியாரின் தொண்டராகவும் இருக்கக் கூடியவர்.
இவருடைய மகளான திவ்யா ஊட்டச்சத்து நிபுணரான இருந்து வருகின்றனர், இதேவேளை கொரோனா தொற்று நோய் பரவும் நேரத்தில் தமிழ் மக்களுக்கு ஊட்டச்சத்து மிகுந்த உணவை இலவசமாக வழங்க ‘மகிழ்மதி’ என்ற இயக்கத்தை ஆரம்பித்து செயல்படுத்தினார்.
மேலும் கொரோனா தொற்று பரவல் நேரத்தில் பெரும் இழப்புகளை சந்தித்த விவசாயிகளுக்கு நேரடி நஷ்ட ஈடு வழங்க வேண்டும் என்று விவசாயத்துறை அமைச்சரிடம் கோரிக்கை வைத்தார்.
இதேவேளை, சில ஆண்டுகளுக்கு முன் மருத்துவ துறையில் நடக்கும் முறைகேடுகள் பற்றியும் நீட் தேர்வை எதிர்த்தும் பிரதமர் நரேந்திர மோடிக்கு திவ்யா சத்யராஜ் கடிதம் எழுதினார்.
இந்த நிலையில், திவ்யா சத்யராஜ் அரசியலில் களமிறங்க இருக்கிறார். மேலும் அவருக்கு ஆதரவாக இவரது தந்தை சத்யராஜ் பிரச்சாரம் செய்ய இருப்பதாகவும் திவ்யா கூறியுள்ளார்.