கொழும்பு – ஆமர் வீதியில் உள்ள கட்டிடமொன்றில் தீ பரவல் ஏற்பட்டுள்ளதாக தீயணைப்புப் படைப்பிரிவு தெரிவித்துள்ளது.
இந்நிலையில், குறித்த தீயை அணைக்க 6 தீயணைப்பு வாகனங்கள் அனுப்பி வைக்கப்பட்டுள்ளதாக தீயணைப்புப் படைப்பிரிவு தெரிவித்துள்ளது.
தீப்பரவலினால் கடுமையான புகை சூழ்ந்துள்ளதாக கொழும்பு தீயணைப்புப் பிரிவினர் தெரிவித்துள்ளனர்.
இந்த தீவிபத்தில் கிறீன் லைன் வீதியில் அமைந்துள்ள ஹாட்வெயார் வர்த்தக நிலையம், மற்றும் இரசாயன வர்த்தக நிலையங்களே பாதிக்கப்பட்டுள்ளன.
மேலும் தீவிபத்தில் வர்த்தக நிலையங்களில் உள்ள பொருட்களுக்கு பகுதியளவில் சேதம் ஏற்பட்டுள்ளதோடு உயிர் சேதங்கள் எதுவும் ஏற்படவில்லை தெரிவிக்கப்பட்டுள்ளது.