இத்தாலி செல்ல முயன்றவர்கள் விமான நிலையத்தில் கைது

வெளிநாடு செல்ல முயன்ற இருவர் கட்டுநாயக்க விமான நிலையத்தில் வைத்து கைது செய்யப்பட்டுள்ளனர்.

போலி இத்தாலிய விசா மூலம் ஆட்கடத்தலில் ஈடுபட முயன்ற இருவரே நேற்று (09.05.2023) கைது செய்யப்பட்டுள்ளனர்.

குறித்த இருவரை விமான நிலையத்தில் வைத்து அதிகாரிகள் மேற்கொண்ட விசாரணையில் இந்த கடத்தல் குறித்த தகவல்களை வெளியாகியுள்ளன.

இத்தாலி விசாவிற்காக 25 இலட்சத்து 17 ஆயிரம் ரூபா பணத்தை கடத்தல்காரர்கள் பெற்றுள்ளதாக தெரிவிக்கப்படுகின்றது.

யாழ்ப்பாணம் மற்றும் வென்னப்புவ பிரதேசத்தை சேர்ந்த இருவரே இவ்வாறு கைது செய்யப்பட்டுள்ளனர்.

இவ்வாறு கைது செய்யப்பட்ட இருவரையும் நீர்கொழும்பு நீதவான் நீதிமன்றில் முன்னிலைப்படுத்தியதையடுத்து, 14 நாட்கள் விளக்கமறியலில் வைக்க உத்தரவிடப்பட்டுள்ளதாக பொலிஸார் தெரிவித்துள்ளனர்.