கொழும்பிலிருந்து சென்ற ரயிலில் இருந்து தவறி விழுந்த ஈரானிய சுற்றுலாப் பயணி ஒருவர் படுகாயமடைந்த நிலையில் பதுளை போதனா வைத்தியசாலையில் அனுமதிக்கப்பட்டுள்ளார்.
பதுளை நோக்கிச் செல்லும் பொடிமெனிக்கே எக்ஸ்பிரஸ் ரயிலில் இருந்து ஈரானிய பிரஜை தவறி விழுந்துள்ளதாக தெரிவிக்கப்பட்டுள்ளது.
29 வயதான ஈரானிய சுற்றுலா பயணி எல்ல பிரதேசத்திற்கு சுற்றுலா சென்ற நிலையிலேயே இந்த விபத்து ஏற்பட்டுள்ளது.
விபத்தில் படுகாயமடைந்த ஈரானிய பிரஜை தியத்தலாவை வைத்தியசாலையில் அனுமதிக்கப்பட்ட நிலையில் மேலதிக சிகிச்சைக்காக பதுளை போதனா வைத்தியசாலைக்கு மாற்றப்பட்டுள்ளார்.
இச்சம்பவம் தொடர்பில் உதவி பொலிஸ் அத்தியட்சகர் ருவன் பெர்னாண்டோவின் பணிப்புரையின் பேரில் ஹப்புத்தளை பொலிஸார் விசாரணைகளை மேற்கொண்டு வருகின்றனர்.