2026ஆம் ஆண்டில் அமெரிக்க டொலருக்கு நிகராக இலங்கை ரூபாய் 7 சதவீதத்தால் வீழ்ச்சியடைந்துள்ளதாக இலங்கை மத்திய வங்கி தெரிவித்துள்ளது.
மத்திய வங்கியின் தகவல்படி, கடந்த வெள்ளிக்கிழமை (12) வர்த்தக முடிவில் அமெரிக்க டொலர் ஒன்றின் கொள்வனவு விலை 331.42 ரூபாயாகவும், விற்பனை விலை 341.36 ரூபாயாகவும் பதிவாகியிருந்தது.
2026 பெப்ரவரி பிற்பகுதியில் இருந்து மத்திய கிழக்கு பிராந்தியத்தில் ஏற்பட்ட மோதல் சூழ்நிலை காரணமாக, வெளிநாட்டுத் துறையில் ஏற்பட்ட தாக்கங்களே ரூபாயின் பெறுமதி வீழ்ச்சியடைந்தமைக்கான காரணமாக அமைந்துள்ளது என மத்திய வங்கி சுட்டிக்காட்டியுள்ளது.