புகையிரதத்துடன் மோதி கொள்கலன் விபத்து!

மீரிகம – வில்வத்தை பகுதியில் கொள்கலனொன்று புகையிரதத்துடன் மோதி விபத்துக்குள்ளானதாக புகையிரதத் திணைக்களம் தெரிவித்துள்ளது.

குறித்த விபத்து இன்று (09.08.2023) காலை வேளையில் இடம்பெற்றுள்ளது.

பொல்கஹவெலயில் இருந்து கொழும்பு நோக்கி பயணித்த ‘பௌஃபி கர்லயால’ புகையிரதத்துடன் கொள்கலன் மோதி விபத்துக்குள்ளாகியுள்ளது.

இதனால் வடக்கு மற்றும் மலையக ரயில் மார்க்கங்களில் புகையிரதப் போக்குவரத்து பாதிக்கப்பட்டுள்ளதுடன் ஏனைய புகையிரத சேவைகளும் தாமதமாகும் எனத் தெரிவிக்கப்பட்டுள்ளது.

இதன் காரணமாக பயணிகள் மற்றும் சாரதிகள் மாற்று வழிகளை பயன்படுத்துமாறு பொலிஸார்த் தெரிவித்துள்ளனர்.

கொழும்பில் இருந்து பஸ்யால சந்தியிலிருந்து மீரிகம அதிவேக நெடுஞ்சாலை வரை பயணிக்கும் வாகனங்கள் பஸ்யால சந்தியில் செல்ல முடியாதநிலையில் கொழும்பு – கண்டி பாதையை பயன்படுத்த முடியும் என அறிவிக்கப்பட்டுள்ளது.

இதேவேளை, திவுலப்பிட்டியிலிருந்து பயணிக்கும் வாகனங்கள் மீரிகம நகரத்திலிருந்து இடதுபுறமாகத் திரும்பி தங்கோவிட்ட மற்றும் வரக்காபொல வீதியில் நுழைந்து கொழும்பு – கண்டி பாதையில் பிரவேசிக்கலாம்.

மீரிகம அதிவேக வீதியில் இருந்து புறப்பட்டு கொழும்பு மற்றும் திவுலப்பிட்டிய பகுதிகளுக்கு செல்லும் வாகனங்கள் ஹந்தாமுல்ல சந்தியில் இடதுபுறம் திரும்பி கொழும்பு – குருநாகல் வீதி இலக்கம்-5 க்குள் பிரவேசிக்க முடியும் எனவும் பொலிஸார் தெரிவிக்கின்றனர்.