இன்று புதன்கிழமை (21) காலை வெல்லவாய – தனமல்வில பிரதான வீதியில் வெல்லவாய குமாரதாச சந்தியில் தனியார் பஸ் ஒன்று விபத்துக்குள்ளானது.
இந்த விபத்தில் 7 பாடசாலை மாணவர்கள், பஸ் சாரதி உட்பட 15 பேர் காயமடைந்து வெள்ளவாய ஆரம்ப வைத்தியசாலையில் அனுமதிக்கப்பட்டுள்ளனர்.
பஸ் சாரதிக்கு ஏற்பட்ட திடீர் நோய் நிலைமை காரணமாக இந்த விபத்து இடம்பெற்றுள்ளதாக பொலிஸார் சந்தேகிக்கின்றனர்.
மேலும் சம்பவம் தொடர்பிலான மேலதிக விசாரணைகளை வெல்லவாய பொலிஸார் மேற்கொண்டு வருகின்றனர்.