கணவனுக்கு மதுபானத்தில் நச்சை கலந்து கொடுத்த மனைவி கைது – மட்டக்களப்பில் சம்பவம்

மதுபானத்தில் நச்சுதிரவத்தை கலந்து கணவனுக்கு கொடுத்த குற்றச்சாட்டில் 51 வயது மனைவ நேற்று கைது செய்யப்பட்டுள்ளார்.

மட்டக்களப்பு காத்தான்குடி பொலிஸ் பிரிவிலுள்ள கல்லடி பிரதேசத்தில் குறித்த சம்பவம் பதிவாகியுள்ளது.

குறித்த பிரதேசத்தைச் சேர்ந்த பெண் அவரின் கணவருக்கு கடந்த இரு வாரங்களுக்கு முன்னர் அவர் அருந்தும் மதுபானத்தலில் நச்சு திரவத்தை கலந்துள்ளார்.

அதனை குடித்த கணவருக்கு மயக்கம் ஏற்பட்ட நிலையில் அவர் வைத்தியசாலையில் அனுமதிக்கப்பட்டு சிகிச்சை பெற்று வெளியேறியுள்ளார்.

இந்த நிலையில் குறித்த நபர் அருந்திய மதுபானத்தை வைத்திய அதிகாரிகள் பரிசோதித்து அதில் நச்சுதிரவம் கலக்கப்பட்டுள்ளதாக அறிக்கை சமர்ப்பித்தனர்.

இதனையடுத்து குறித்த நபரின் மனைவி சந்தேகத்தில் கைது செய்யப்பட்டுள்ளார்.

குறித்த பெண்ணுக்கும் கணவனுக்கும் இடையே குடும்ப தகராறு காரணமாக இந்த சம்பவம் இடம்பெற்றுள்ளதாக பொலிஸாரின் ஆரம்ப கட்ட விசாரணையில் தெரியவந்துள்ளது.

கைது செய்யப்பட்ட பெண்ணை இன்று (19) மட்டக்களப்பு நீதவான் நீதிமன்றில் ஆஜர்படுத்தியபோது அவரை நீதவான் பிணையில் விடுவித்துள்ளார்.