தமிழகத்தில் உள்ள திருக்கடவூர் ஸ்ரீ அபிராமி அம்பாள் சமேத ஸ்ரீ அமிர்தகடேஸ்வர சுவாமி மகாகும்பாபிஷேகப் பெருவிழாவில், தருமை ஆதீனம் நட்சத்திர குருமணிகள் ஸ்ரீலஸ்ரீ கயிலை குருமகாசந்நிதானம் நான்கு இலங்கை ஆளுமைகளுக்கு கௌரவ கலாநிதி விருது வழங்கி வாழ்த்தியுள்ளார்.
இந்த நிகழ்வில் மரியாதைக்குரிய யாழ்ப்பாணம் நயினாதீவு சிவஸ்ரீ. ஐ.கை. வாமதேவ சிவாச்சாரியார் அவர்களுக்கு “சிவாகம கலாநிதி” என்னும் விருது வழங்கப்பட்டது.
ஓய்வு பெற்ற யாழ்ப்பாணப் பல்கலக்கழகப் பேராசிரியர் நா.வி.மு நவரத்தினம் ஓதுவார் (நயினை) அவர்களுக்கு “திருமுறைக் கலாநிதி” என்னும் விருது வழங்கப்பட்டது.
பலவழிகளிலும் ஊக்குவிப்பவரும் தமிழ்- திருமுறை பதிப்பிலும் Thevaram.org தளம் வழி பெரும் சைவப்பணி செய்பவருமான காந்தளகம் மறவன்புலவு க.சச்சிதானந்தம் (சிவசேனை) அவர்களுக்கு “பல்கலை வித்தகக் கலாநிதி”என்னும் விருது வழங்கப்பட்டது.
உலகளாவிய நிலையில் தன்னிகரில்லா ஆளுமையும், எளிமையான பண்புநலனும் ஒருங்கே பெற்ற நமது ஈழ நல்லூர் பாலமுருகன் அவர்களுக்கு “நாதஸ்வரக் கலாநிதி” என்னும் விருது வழங்கப்பட்டது