வெளியூருக்கு சென்றிருந்த கணவன்! திருமணமான இளம்பெண்ணுக்கு நேர்ந்த கதி.. முதுகில் இருந்த காயம் குறித்து அழுத சகோதரர்

வடஇந்தியாவில் திருமணமான இளம்பெண் தூக்கில் சடலமாக தொங்கிய நிலையில் அவர் கொலை செய்யப்பட்டுள்ளார் என்ற குற்றச்சாட்டு எழுந்துள்ளது.

உத்தரபிரதேச மாநிலத்தின் மஜ்ரா தேரா கிராமத்தை சேர்ந்த ஹரிம் நாயக் என்பவருக்கும் ஆர்த்தி (25) என்ற பெண்ணுக்கும் இரண்டாண்டுகளுக்கு முன்னர் திருமணம் நடந்தது.

தம்பதிக்கு சிவா என்ற எட்டு மாத குழந்தை உள்ளது. இந்த நிலையில் நேற்று முன் தினம் மாலையில் ஆர்த்தி தூக்கில் சடலமாக தொங்கியுள்ளார்.

ஆனால் இந்த தகவலை இரவு முழுவதும் அவர் கணவர் குடும்பத்தார் மறைத்தனர்.

அக்கம்பக்கத்தினருக்கு இந்த தகவல் கசிந்த நிலையில் ஆர்த்தி குடும்பத்தாருக்கு போன் செய்து கூறினார்கள்.

இதை கேட்டு அதிர்ச்சியடைந்த அவர்கள் உடனடியாக ஹரீம் வீட்டுக்கு வந்தனர். அப்போது தான் ஹரீம் வெளியூருக்கு சென்றிருந்தது தெரியவந்தது.மேலும் ஆர்த்தி தூக்கிட்டு தற்கொலை செய்து கொண்டதாக அவர் மாமனார், மாமியார் ஆர்த்தி குடும்பத்தாரிடம் கூறினார்கள்.

இது குறித்து ஆர்த்தி சகோதரர் தீபக் கூறுகையில், ஆர்த்தி உடலின் முதுகில் காயங்கள் உள்ளதை பார்த்து அதிர்ச்சியடைந்தேன்.அவரை அடித்து கொன்றுவிட்டு தூக்கில் தொங்கவிட்டுள்ளனர் என அழுது கொண்டே கூறினார்.

தற்போது ஆர்த்தியின் சடலத்தை பிரேத பரிசோதனைக்கு பொலிசார் அனுப்பியுள்ள நிலையில் அதன் முடிவில் ஆர்த்தியின் மரணத்துக்கான காரணம் வெளிவரும் என தெரியவந்துள்ளது.சம்பவம் தொடர்பாக பொலிசார் விசாரணை மேற்கொண்டு வருகின்றனர்.