வத்தளை, ஜோசப் மாவத்தை பகுதியில் 10 மில்லியன் ரூபாய்க்கும் அதிகம் மதிப்புள்ள ஹெரோயின் போதைப்பொருளுடன் சந்தேகநபர் ஒருவர் கைது செய்யப்பட்டுள்ளார்.
மேற்கு வடக்கு குற்றப்பிரிவு அதிகாரிகளால் நேற்று (12) கைது செய்யப்பட்ட இந்த சந்தேக நபர் வத்தளையைச் சேர்ந்த 39 வயதுடைய பரேவி சுது என்ற போதைப்பொருள் கடத்தல்காரரின் உதவியாளர் என்று அடையாளம் காணப்பட்டுள்ளார்.
குறித்த சந்தேக நபரிடமிருந்து ஒரு கிலோகிராமிற்கும் அதிகமான ஹெரோயின் போதைப்பொருள் கைப்பற்றப்பட்டுள்ளதாக தெரிவிக்கப்படுகின்றது.
கைப்பற்றப்பட்ட ஹெரோயின் போதைப்பொருள் சுமார் 10 மில்லியன் ரூபாய் மதிப்புடையது என தெரிவிக்கப்படுகின்றது.
மேலும் சந்தேக நபர் அப்பகுதியில் பெரிய அளவிலான போதைப்பொருள் வியாபாரி என்பது விசாரணையில் தெரியவந்துள்ளதாக பொலிஸார் தெரிவித்தனர்.