மன்னாரில் முன்னெடுக்கப்படும் காற்றாலை திட்டம் தொடர்பாக இன்றைய தினம் ஜனாதிபதிக்கும், வடக்கு கிழக்கைப் பிரதிநிதித்துவப்படுத்தும் நாடாளுமன்ற உறுப்பினர்களுக்கும் இடையே முக்கிய சந்திப்பொன்று இடம்பெறவுள்ளதாகத் தகவல் வெளியாகியுள்ளது.
நாடாளுமன்ற வளாகத்தில் இன்று பிற்பகல் இடம்பெறவுள்ள இச்சந்திப்பில் விடயத்துடன் தொடர்புடைய அதிகாரிகளும் பங்கேற்கவுள்ளனர் எனத் தெரிவிக்கப்பட்டுள்ளது.
குறித்த விடயம் தொடர்பாக வடக்கு கிழக்கு நாடாளுமன்ற உறுப்பினர்களின் கையெழுத்துடன் ஜனாதிபதிக்கு முன்னதாக கடிதம் ஒன்று அனுப்பப்பட்டிருந்ததாகத் தெரிவிக்கப்பட்டுள்ளது.
மன்னாரில் காற்றாலை மின்திட்டம் முன்னெடுக்கப்படுகின்ற நிலையில் அதற்கு எதிர்ப்பு தெரிவித்து அப்பகுதி மக்களால் தொடர்ச்சியாக போராட்டங்கள் முன்னெடுக்கப்பட்டு வருகின்றமை குறிப்பிடத்தக்கது.