தொலைதூர லடாக் பிராந்தியத்தில் உள்ள இரண்டு முக்கிய மாவட்டங்களில் இந்திய அதிகாரிகள் வியாழக்கிழமை பாதுகாப்பு கட்டுப்பாடுகளை அமுல்படுத்தினர்.
இமயமலைப் பகுதிக்கு இந்திய அரசாங்கத்திடமிருந்து அதிக சுயாட்சி கோரி நூற்றுக்கணக்கான போராட்டக்காரர்களுடனா பொலிஸாரின் மோதலின் விளைாவக நால்வர் உயிரிழந்தும், பலர் காயமடைந்த ஒரு நாளுக்குப் பின்னர் இந்த நடவடிக்கை வந்துள்ளது.
புதன்கிழமை வன்முறை மோதல்களைத் தொடர்ந்து லடாக்கின் லே மற்றும் கார்கில் மாவட்டங்களில் ஐந்துக்கும் மேற்பட்டவர்கள் கூடுவதை அதிகாரிகள் தடை செய்தனர்.
கட்டுப்பாடுகள் காரணமாக கடைகள் மற்றும் வணிக நிறுவனங்கள் மூடப்பட்டிருந்தன.
இன்று நூற்றுக்கணக்கான பொலிஸாரும், துணை இராணுவ வீரர்களும் பாதுகாப்பு நடவடிக்கைக்காக வீதிகளில் ரோந்து பணிகளை முன்னெடுத்திருந்தனர்.
உயரமான லே நகரில் புதன்கிழமை பேரணி செல்வதைத் தடுக்க முயன்ற அதிகாரிகள் மீது போராட்டக்காரர்கள் கற்களை வீசியதைத் தொடர்ந்து மோதல்கள் வெடித்தன.
ஏனையவர்கள் காவல்துறை மற்றும் துணை இராணுவ வாகனங்கள், இந்தியாவின் ஆளும் பாரதிய ஜனதா கட்சியின் உள்ளூர் அலுவலகம் மற்றும் சில அரசு கட்டிடங்களுக்கு தீ வைத்ததாக பொலிஸார் தெரிவித்துள்ளனர்.
இந்தியா, பாகிஸ்தான் மற்றும் சீனா இடையே அமைந்துள்ள லடாக், 2019 ஆம் ஆண்டு புது டெல்லிசர்ச்சைக்குரிய பிராந்தியத்தின் மாநில அந்தஸ்து மற்றும் அரை சுயாட்சியை நீக்கிய பின்னர், இந்தியக் கட்டுப்பாட்டில் உள்ள காஷ்மீரிலிருந்து பிரிக்கப்பட்டது.
கருத்து வேறுபாடுகள் மற்றும் பல புதிய சட்டங்கள் மூலம் காஷ்மீர் பெருமளவில் அமைதியாகிவிட்டாலும், லடாக்கில் அரசியல் உரிமைகளுக்கான கோரிக்கைகள் அண்மைய ஆண்டுகளில் தீவிரமடைந்துள்ளன.