கட்டுநாயக்க, பண்டாரநாயக்க சர்வதேச விமான நிலையத்தில் 50 மில்லியன் ரூபாவுக்கும் அதிகம் பெறுமதியான குஷ் கஞ்சாவுடன் இரண்டு நபர்கள் கைது செய்யப்பட்டுள்ளனர்.
விமான நிலையத்தில் உள்ள “கிரீன் சேனல்” வழியாக இவர்கள் வெளியேற முயன்றபோது, இலங்கை சுங்கத்தின் போதைப்பொருள் கட்டுப்பாட்டுப் பிரிவினால் கைது செய்யப்பட்டனர்.
சந்தேக நபர்களில் கொழும்பைச் சேர்ந்த 29 வயது பெண் ஒருவரும், இந்தியாவின் சென்னையில் வசிக்கும் 48 வயது ஆணும் அடங்குவர்.
விசாரணையில் இருவரும் தாய்லாந்தின் பேங்கொக்கில் “குஷ்” என்ற போதைப்பொருளை வாங்கியதாகவும், பின்னர் இந்தியாவின் புது டெல்லிக்குச் சென்று, இன்று காலை 6.50 மணிக்கு ஏர் இந்தியா விமானம் AI-277 மூலம் கட்டுநாயக்கா வந்தடைந்ததாகவும் தெரியவந்தது.

