மூவர் இன்று காலை கட்டுநாயக்க, பண்டாரநாயக்க விமான நிலையத்தில் வைத்து கைது செய்யப்பட்டுள்ளனர்.

வெளிநாட்டு சிகரெட்டுகளை சட்டவிரோதமான முறையில் நாட்டிற்குள் கடத்த முற்பட்ட குற்றச்சாட்டில் மூவர் இன்று (27) காலை கட்டுநாயக்க, பண்டாரநாயக்க விமான நிலையத்தில் வைத்து கைது செய்யப்பட்டுள்ளனர்.

கைப்பற்றப்பட்ட சிகரெட்டுகளின் பெறுமதியானது 45.8 மில்லியன் ரூபா என மதிப்பிடப்பட்டுள்ளது.

கைது செய்யப்பட்ட 24, 28 மற்றும் 30 வயதுடைய நபர்கள் முறையே கொழும்பு, அவிசாவளை மற்றும் மட்டக்குளிய பகுதிகளைச் சேர்ந்தவர்கள் என அடையாளம் காணப்பட்டுள்ளனர்.

அதிகாரிகளின் கூற்றுப்படி, சந்தேக நபர்கள் டுபாயில் சிகரெட்டுகளை வாங்கி, அவற்றை கட்டார், தோஹாவிற்கு கொண்டு சென்று அங்கிருந்து நாட்டிற்கு கடத்த முற்பட்டதாக தெரிவிக்கப்படுகிறது.

சுங்க போதைப்பொருள் கட்டுப்பாட்டுப் பிரிவு சந்தேக நபர்களை கைது செய்த நிலையில், சம்பவம் குறித்து மேலதிக விசாரணைகளை அதிகாரிகள் முன்னெடுத்துள்ளனர்.