மின்சாரம் தாக்கி இளைஞன் உயிரிழந்துள்ளார்.

குளித்து விட்டு , உடலில் ஈரத்துடன் மின் அழுத்தியை பயன்படுத்திய போதே மின்சாரம் தாக்கி குறித்த இளைஞன் உயிரிழந்துள்ளார்.

யாழ்ப்பாணம் உடுவில் பகுதியை சேர்ந்த 21 வயதுடைய விஷ்ணுராஜ் ஜதுர்மன் என்ற இளைஞரே இவ்வாறு உயிரிழந்துள்ளார்.

குளித்துவிட்டு வந்து மின்னழுத்தியைப் பயன்படுத்தியபோது, இளைஞனை மின்சாரம் தாக்கியுள்ளது.

இதையடுத்து, வீட்டில் இருந்தோர் இளைஞனை மீட்டு தெல்லிப்பழை மருத்துவமனைக்குக் கொண்டு சென்ற போது, இளைஞன் உயிரிழந்துவிட்டார் என வைத்தியர்கள் தெரிவித்துள்ளனர்.

சம்பவம் தொடர்பில் பொலிஸார் விசாரணைகளை முன்னெடுத்துள்ளதுடன் , சடலம் உடற்கூற்று பரிசோதனைக்காக யாழ். போதனா வைத்தியசாலையில் ஒப்படைக்கப்பட்டுள்ளது